әскери-экономикалық қамтамасыз етудің басты мақсаты

қарулы күштерге, басқа да әскерлер мен әскери құрылымдарға қаржылық, материалдық-техникалық және басқа да ресурстарды бөлу, оларды Қазақстан Республикасының әскери қауіпсіздігін кепілді қамтамасыз етуге қажетті мөлшерде қару-жарақпен, әскери және арнайы техникамен жарақтандыру.

Әскери-экономикалық қамтамасыз етудің негізгі принциптері: – бюджеттік заңдарда қорғаныс үшін белгіленген, елдің жалпы ішкі өнімінің кемінде 1%-ын құрайтын және қысқартуға жатпайтын шығыстар деңгейінің негізінде Қазақстан Республикасының Қарулы Күштерін кепілдікті бағдарламалық-мақсатты қаржыландыру; – әскери қауіпсіздікті қамтамасыз етудің негізгі міндеттерін шешу кезінде қаржылық, материалдық-техникалық, интеллектуалдық ресурстарды тиімді пайдалану. Әскери-экономикалық қамтамасыз етудің негізгі міндеттері: – Қарулы Күштердің, басқа да әскерлер мен әскери құрылымдардың қаржы мен материалдық-техникалық ресурстарға сұранысын қанағаттандыру; – Қарулы Күштердің, басқа да әскерлер мен әскери құрылымдардың жауынгерлік және жұмылдыру даярлы-ғының материалдық-техникалық базасын дамыту; – қару-жарақты, әскери және арнайы техниканы өндіруді, жөндеу мен жаңғыртуды жүзеге асыру үшін ғылыми-техникалық және өндірістік базаны жетілдіру; – экономиканың жұмылдыру әзірлігі мен халықты жұмылдыру даярлығының жүйесін қалпына келтіру; – әскери қызметшілердің, олардың отбасы мүшелерінің және әскери қызметтен босатылған адамдардың өмір сүру, әлеуметтік қамтамасыз етілу деңгейін, тіршілік етуінің материалдық-тұрмыстық жағдайларын көтеру, заңдармен белгіленген кепілдіктерді іске асыру; – өзара тиімді халықаралық әскери және әскери-техникалық ынтымақтастықты жүзеге асыру. Әскери-экономикалық қамтамасыз етудің негізгі бағыттары: – Қарулы Күштердің, басқа да әскерлер мен әскери құрылымдардың қаржыға және материалдық-техникалық ресурстарға сұранысын кепілді қанағаттандыруды қамтамасыз ететін бюджет саясатын жүзеге асыру; – елдің қорғаныс әлеуетін нығайту үшін қару-жарақты, әскери, арнайы техника мен мүлікті әзірлеуді, өндіруді, жөндеуді және сатып алуды, мемлекеттік басқару жүйесін жетілдіру; – Қарулы Күштер, басқа да әскерлер мен әскери құрылымдар үшін өнім өндіретін меншіктің түрлі нысанын-дағы ұйымдарды мемлекеттік қорғаныс тапсырысын орындауға осы ұйымдардың экономикалық мүдделігін арттыру, сондай-ақ Қарулы Күштерді, басқа да әскерлер мен әскери құрылымдарды ұстауға арналған бюджет қаржысын үнемдеу мақсатында мемлекеттік қолдау; – қару-жарақ паркін, әскери техниканы және басқа да әскери мүлікті бюджеттен бөлінген, сондай-ақ бос қалған және пайдаланылмайтын әскери мүлікті сатудан түскен қаржы мен Қазақстан Республикасы заңдарымен тыйым салынбаған басқа да көздер есебінен сәйкестендіру, жаңғырту және жаңарту; – әскери мақсатта өнімдер шығарып, қызмет көрсететін ұйымдардың ғылыми-техникалық, эксперименттік және өндірістік базаларын құрылымдық өзгерту және жетілдіру; – қару-жарақтың және әскери техниканың, әскери мақсаттағы өнімдердің жаңа түрлерін жасау үшін іргелі іздестіру және қолданбалы зерттеулерді, перспективалы ғылыми-техникалық және технологиялық әзірлемелерді ұйымдастыру және жүргізу; – мемлекеттік қорғаныс тапсырысын ресурстардың және көрсетілген қызметтердің барлық түрімен кепілді қамтамасыз етуге бағытталған қаржы-экономикалық реттегіштер мен тетіктер жүйесін енгізу; – елдің әскери-экономикалық әлеуетін арттыру мақсатында халықаралық әскери-техникалық ынтымақтастықты пайдалану. Мемлекеттік қорғаныс тапсырысын қалыптастыру тәртібін, оның әскери-техникалық, қаржылық қамтамасыз етілуі мен әскери мақсаттағы өнімдерді сатып алу шарттарын Қазақстан Республикасының Үкіметі белгілейді. Министрліктер, ведомстволар, басқа да мемлекеттік органдар мен меншіктің барлық нысанындағы ұйымдар мемлекеттік қорғаныс тапсырысын орындауға міндетті.